Ինչպիսի՞ սնունդ է օրգանիզմին անհրաժեշտ ձմռանը. 1in.am

Ձմռանն օրգանիզմն ունի ավելի շատ սպիտակուցային սննդի կարիք, որն անհրաժեշտ ներքին օրգանների ու համակարգերի համապատասխան ջերմությունն ապահովելու համար։ Այս մասին հայտնում է golos.ua-ն։

Մասնագետները կարծում են, որ սպիտակուցային սնունդ պետք է ընդունել ամեն օր։ Խորհուրդ է տրվում սննդակարգում հաճախ ներառել ենթամթերքներ (սիրտ, լյարդ, փայծաղ), քանի որ դրանք «զինում» են օրգանիզմն արժեքավոր միկրոտարրերով։ Առանձնահատուկ արժեքավոր մթերք էնլյարդը, որը պարունակում է երկաթ և ասկորբինաթթու, հարուստ է В, D, С, Е վիտամիններով։ Այն կօգնի բաձրացենլ օրգանիզմի պաշտպանական ուժերը։

Ոչ պակաս կարևոր է մսամթերքը։ Սննդաբանները, սովորաբար, խորհուրդ են տալիս սննդում օգտագործել սպիտակ միս (հավ, հնդկահավ), քանի որ դրանք պակաս կալորիական են և դյուրամարս, սակայն ցուրտ ժամանակ կարելի է շաբաթական մի քանի անգամ գառան, տավարի, հորթի միս օգտագործել։

Կարևոր է նաև հավկիթի օգտագործումը։ Այն սպիտակուցի կարևորագույն աղբյուր է, ինչպես նաև պարունակում է օմեգա-3 թթու, որը նաեւ կբարելավի տրամադրությունն ու կլավացնի հիշողությունը։

Սննդակարգում պետք է ներառել ծովամթերք։ Հաճախ արդեն աշնան վերջին չի բավականացնում վիտամին D-ն, ինչը դառնում է վատ տրամադրության և արագ հոգնելու պատճառ։ Բացի այդ, ձկնեղենը կալցիումի և ֆոսֆորի հիանալի աղբյուր են։

Հարցեր, պատասխաններ, մեկնաբանություններ